Një shpërthim i fuqishëm ka ndodhur në Paris pasditen e së mërkurës, ndërsa disa ndërtesa janë përfshirë nga flakët. Mediat franceze raportojnë se të paktën 4 persona ndodhen në gjendje të rëndë shëndetësore.
Një zyrtar i policisë së Parisit është shprehur se fasada e një ndërtese është shembur totalisht si pasojë e shpërthimit. Ndërkohë, shumë zjarrfikës janë duke punuar për të lokalizuar flakët.
Fillimisht u raportua se shpërthimi ka ndodhur si pasojë e rrjedhjes së gazit, por ende nuk ka një deklaratë zyrtare për shkakun e shpërthimit.
