Pasagjerët që kërkuan të vizitonin rrënojat e Titanikut janë zhdukur këtë javë në fundin e oqeanit të Atlantikut të Veriut.
Mike Reiss, një producent dhe shkrimtar i “The Simpsons”, hipi në nëndetësen e njohur si “Titan”, verën e kaluar. Ai tha se pasagjerëve iu kërkua të nënshkruanin një dokument që përmend vdekjen tre herë në faqen e parë.
Pasagjerët në udhëtimin 10-orësh – një udhëtim që mund të kushtojë deri në 250 mijë dollarë – ishin të qetë, por të emocionuar, tha ai. Sanduiçë dhe ujë ishin në dispozicion në anije, por ai kujtoi se shumë pasagjerë nuk hanin gjatë udhëtimit për shkak të gëzimit dhe se tualeti në bord nuk ishte përdorur kurrë.
OceanGate Expeditions, e ka përshkruar udhëtimin si një “përvojë unike “. Kompania që menaxhon dhe nëndetësen e zhdukur në Atlantik, nuk iu përgjigj menjëherë një kërkese për më shumë informacion të martën.
Imazhet nga OceanGate tregojnë se pasagjerët mund të ulen në dyshemenë e sheshtë me shpinën në muret e lakuar. Ka pak ndriçim lart, por jo karrige, dhe pak vend për të lëvizur ose për të qëndruar drejt.
Reiss, i cili kishte udhëtuar më parë me OceanGate Expeditions për të parë Kanionin Hudson në brigjet e qytetit të Nju Jorkut, e përshkroi udhëtimin drejt Titanikut si “shumë të rehatshëm” dhe tha se e zuri gjumi gjatë zbritjes së qetë dhe me ndriçim të dobët.
Përmes “Titanit” i cili mund të kalonte vetëm tre orë në fundin e oqeanit mund të shihje Titanikun e fundosur përmes një dritareje, të cilën ai e përshkroi si madhësia e xhamit të lavatriçes.
