Kandidati i koalicionit “Bashkë Fitojmë” për Bashkinë e Kuçovës, Lefter Maliqi thotë se ekziston një audio-përgjim i kryebashkiakut Kreshnik Hajdari, i ngjashëm me skandalin seksual të ish-kryetarit të Bashkisë Kukës, Safet Gjici.
“Di që kjo po ndodh. Kur ndodh në qeveri ndodh në të gjitha institucionet edhe të pushtetit lokal. Edhe rasti i Kuçovës është me audio. Nuk është me figurë”, tha Maliqi për Panorama.
“Është shpërndarë në të gjitha rrjetet. Nuk mund të duket ndonjë habi e madhe. Fati i Ramës është çarja e opozitës dhe rrëmbim9i i vulës me drejtësi. Sado lekë dhe tenderua të bënin, përballja do të ishte më dinjitoze. Dy organizatat që unë i besoj janë Komisioni i Venecias dhe OSBE. OSBE ishte katër herë në Kuçovë. Kam besim se do të sjellë konkluzionet më të nxira për të këto zgjedhje në gjithë historinë e Shqipërisë. Ka audio përgjim në zyrë si Safet Gjici. Por nuk e ka me figurë. E di gjithë Kuçova këtë histori. Ka kohë që bëhet jo vetëm një muaj para zgjedhjeve. Këta tallen me taksat e qyterarëve. Kuçova është bashki e madhe por janë tallur”, deklaroi ai.
