Kampioni i botës në fuqi në Formula 1, holandez i Red Bull, Max Verstappen, fitoi mbëmjen e sotme garën e Cmimit të Madh të Kanadasë, zhvilluar në pistën e Montreal.
Një tjetër fitore e thjeshtë për Verstappen, në një garë që e dominoi nga xhiro e parë deri tek e fundit, duke mos hasur konkurrencë.
Në vendin e dytë u rendit piloti spanjoll i Aston Martin, Fernando Alonso, ndërsa në të tretin u klasifikua britaniku Lewis Hamilton me Mercedes.
MAX MASTERS MONTREAL! 💪@Max33Verstappen cruises to his sixth win of 2023 in Canada!#CanadianGP #F1 @redbullracing pic.twitter.com/wbRI3j6oqM
— Formula 1 (@F1) June 18, 2023
Këta dy pilotë nuk e vunë në asnjë moment në vështirësi Verstappen dhe dueluan mes tyre për një pozicion sa më të mirë në renditje.
Falë strategjisë ndryshe që ndoqën nga rivalët, Ferrari u pozicionua në vendet 4-5 me dy pilotët e saj, Charles Leclerc e Carlos Sainz, duke fituar mjaft pozicione.
Ata zhvilluan një garë me vetëm një “pit stop”, duke mos u ndalur në momentin që në pistë hyri makina e sigurisë.
Kjo u dha mundësi të menaxhonin gomat e grumbullonin pikë të rëndësishme për botërorin.
