Dhjetra qytetarë kanë dalë pasditen e sotme para Kryeministrisë, për të protestuar kundër qëndrimit që ka mbajtur kryeministri Edi Rama për tensionet në veri të Kosovës.
Një prej protestuesve, gjatë një prononcimi për mediat, i ka bërë thirrje kryeministrit Rama që t’u shpërndahen armët qytetarëve, pasi sipas tij, ata e mbrojnë vetë Mitrovicë. Ai tha se Rama duhet të dalë hapur dhe të thotë nëse është më popullin e Kosovës apo me serbët.
“Unë kam një thirrje për kryeministrin, SHBA dhe BE: Jepuni shqiptarëve dhe kosovarëve armët siç i ka dhënë rusi dhe kinezi Serbisë dhe ti marrin ushtarët e EULEX dhe ata që rrihen si gomerë në veri. E mbrojmë vetë Kosovën. Nëse Kosova ishte nën pushtimin serbo sllav tani kërkojnë ta kenë nën pushtimin evropian dhe amerikan. Rama të mos bëjë strucin në rërë, të dalë dhe të thotë është më vëllezërit kosovarë apo me serbët. Kosovarët janë në trevat e tyre shekullore. Të na japin armët dhe ne e mbrojmë vetëm Mitrovicën”, tha qytetari.
