Policia e Kosovë ka arrestuar njërin nga udhëheqësit e grupit që sulmuan grupet e mediave më 29 Maj në Leposaviçi.
Në pranga është vënë shtetasi Nemanja Vllaskoviç. Lajmin e ka bërë me dije ministri i Brendshëm i Kosovës, Xhelal Zveçla, përmes një postimi në rrjetet sociale.
Ai shkruan se serbi do të ballafaqohet me drejtësinë për sulmet e kryera ndaj gazetarëve. Autoritet kosovare i konsiderojnë udhëheqësit e protestave në veri si anëtarë të grupeve kriminale.
Postimi i plotë:
Një nga udhëheqësit e grupit që ka sulmuar gazetarët e mediumit Kallxo në Leposaviq me datë 29 maj, sapo është arrestuar. Nemanja Vllaskovic do të ballafaqohet me drejtësi për sulmet e kryera ndaj gazetarëve tanë.
Të gjithë sulmuesit dhe kriminelët do të sillen para drejtësisë, kjo nuk ka alternativë.
Përgëzoj Policinë e Kosovës për punën në hetimin dhe arrestimin e sulmuesit e gazetarëve. Vazhdojmë, të përkushtuar, për drejtësi e pa kompromis kundër milicisë fashiste.
