As nga qeveria, dhe askush nga opozita, nuk ishin të ftuar te mega eventi që zhvilloi Samir Mane, për të festuar 30 vjetorin e kompanive të tij në Shqipëri dhe rajon. Kjo gjë solli habi në qarqet mediatike, pasi siç dihet Mane është një bashkëpunëtor në nivel te afërt me klasën politike këto 30 vjet. Raportimet mediatike ndër vite gjithmonë kanë vënë re përfitime që Mane ka marrë nga të gjitha qeveritë shqiptare të pas viteve ’90. Ndoshta Mane po u tregon politikanëve se nuk ja ka më nevojën politikanëve!?
Vështirë të besohet duke pasur parasysh që edhe të ashtuquajturit oligarkë mund të goditen nga qeveria shqiptare. Goditjet e fundit të Ramës janë një shembull i tillë.
Në media u shpërnda një fjali ku thuhen se “kjo duket si një shuplakë e Manes ndaj politikës 30 vjeçare degraduese, që e ka lënë Shqipërinë, ende në një nga vendet më të varfëra dhe më të korruptuara në Evropë”.
Nuk besojmë se kjo e Manes është një lëvizje alla-Berluskoni, pra që edhe ai vetë si miliarder t’i hyjë dhe ta ndryshojë politikën, siç bëri Kavaljeri tashmë i ndjerë në Italinë fqinje, për thuajse 4 dekada.
Duke qenë se në festë ishin të ftuar me kuç e me maç, nuk duket rastësi dhënia e mesazhit për ta lënë politikën jashtë punëve të biznesmenit më të madh në Shqipëri.
Kjo, përkundër atyre që thuhen se Mane ka “ngrënë” me të dyja palët, tregon se ai është aq i fuqishëm sa mund të bëjë në fakt dhe pa asnjërën prej tyre”.
Por a është e mundur kjo gjë në Shqipëri?! Ndoshta po ndoshta jo! Le të rrojmë e ta shojmë, do e haj politika apo Mane!?
