Një rast i paprecedentë raportohet të ketë ndodhur në Librazhd.
Mësohet se persona ende të paidentifikuar kanë shkatërruar linjën e shpërndarjes së energjisë elektrike në lagjen Damjan të fshatit Polis.
Sipas banorëve, keqbërësit kanë sharruar dhe rrëzuar për tokë 17 shtylla të linjës së re elektrike në ndërtim e sipër.
Edhe një ditë punë kishte mbetur për përfundimin e linjës elektrike pasi ishte gati e gjitha baza materiale për montim. Por ndërsa ishin gati për punë , shumica e shtyllave të linjës elektrike Janë gjetur të sharruara dhe të rrëzuara në tokë.
Nuk dihen ende arsyet e kësaj ngjarje, ndërsa pritet një hetim nga ana e policisë lidhur me rastin.
