Bajerni i Mynihut u gjobit nga zyra e doganës në Bavari, sepse nuk i kishte paguar rrogat minimale disa punonjësve të sektorit të të rinjve.
Lajmi u konfirmua nga autoritetet, sipas të cilave klubi më i pasur dhe më i suksesshëm gjerman, kishte paguar më pak se norma ligjore një pjesë të stafit, nga nëntori 2019 deri në vitin 2021.
Pas hetimit, Bajerni u gjobit me 250 mijë euro, shifër që përfshin penalizimin për vonesat e pagave dhe të ndihmës sociale, për të cilat është bërë evazion fiskal gjatë periudhës 5-vjeçare.
