Kandidati i koalicionit ‘Bashkë Fitojmë’, për bashkinë Kuçovë, në vendoret e 14 Majit, Lefter Maliqi, ka folur ditën e sotme mbi ankiminin e dorëzuar në KAS për shkeljet e regjistruara gjatë zgjedhjeve.
I ftuar në ‘MCN’, Maliqi u shpreh se zgjedhjet e 14 Majit kanë qënë një krim shtetëror dhe elektoral, teksa shtoi se në ankimimin e dorëzuar, kanë ofruar prova të reja të krimit elektoral në KZAZ 64 në Kuçovë.
Ai u shpreh se nga vendimi i KAS presin 20% drejtësi nga pavlefshmëria totale.
Maliqi: Ne presim nga KAS, Kolegji Zgjedhor dhe drejtësia të paktën në rastin e Kuçovën 20% drejtësi nga pavlefshmëri totale, krim shtetëror dhe krim elektoral në KZAZ Kuçovë. Në seancën time në KAS dje kam thënë që shpresoj dhe besoj që rasti i Kuçovës të mos jetë rast i përgjithshëm në tërë Shqipërinë dhe jo me kot pamjet filmike në firmë nga avokati te KQZ nuk janë bërë ende publike sepse vetëm te qendrat e votimit janë gjetur 1 mijë e ca shkelje, nga pamjet filmike që i kemi kapur dhe të prera nga specialistë të IT dhe të prera tashmë janë në dispozicion sot në orët e para KAS për verifikim, pro po ju them se këto janë vetëm një pjesë e provave pa llogaritur se çfarë ka aty brenda në kuti, KAS dje ka marrë vendim për mos hapje të kutive dhe për të vazhduar procedurën për pavlefshmërinë e votimit në KZAZ 65 dhe për pavlefshmërinë e pjesëve të fletës së votimit ku kandidati nuk duhet ët ishte i PS në listën e votimit meqë ishte i dënuar me katër muaj.
Kërkesa ankimore e depozituar nga koalicioni “Bashkë Fitojmë” dhe kandidati Lefter Maliqi kërkon shpalljen e pavlefshme të vendimit të KQZ-së që shpalli fitues Kreshnik Hajdarin e PS-së dhe rinumërim votash, si dhe shpallje të pavlefshme të tyre në disa qendra votimi.
