West Ham fiton trofeun e Conference League teksa ka mposhtur 2-1 në finale Fiorentinën.
Në stadiumin “Fortuna Arena” të Pragës, u zhvillua një takim tepër i luftuar me golin e fitores që erdhi në minutën e 90-të.
Pjesa e parë e takimit u mbyll me rrjeta të paprekura, ndërsa në të dytën West Hami fiton një 11-metërsh.
Nga pika e bardhë në minutën e 62-të Benrahma gjuan saktë, duke kaluar anglezët në avantazh.
Mirëpo nuk zgjat shumë gëzimi i West Hamoit, pasi Fiorentina në të 67’ barazon me Bonaventurën.
Fundi u buzëqesh anglezëve. Në minutën e 90-të Bowen merr një top nga mesfusha dhe del i vetëm përballë portierit të Fiorentinës, duke realizuar golin fitores.
West Hami kështu bëhet fituesi i edicionit të dytë të Conference League, pas Romës që në sezonin e parë fitoi 1-0 në Tiranë me Feyenoordin.
