GJKKO ka vendosur të bëjë pjesë të procesit Gërdeci 290 persona, familjarë të viktimave dhe të plagosur nga tragjedia e ndodhur në mars të 2008.
Vendimi u mor të mërkurën gjatë procesit ku i pandehur është marrë ish-ministri Fatmir Mediu.
Avokati i familjarëve të viktimave të Gërdecit, Dorian Matlija e cilësoi një fitore për familjen Durda pasi që nga viti 2009 që e ka pasur një kërkesë të tillë që nuk është pranuar.
“Historia e pjesëmarrjes së viktimave në çështjet penale është një luftë shumë e gjatë. Viktimat janë pjesë procesit dhe janë krah për krah për të zgjedhur çështjen. Do të bënte një shpallje publike. Ata kanë të drejta për të shkruar çdo lloj gjëje. Të Është një fitore për familjen Durda, pasi ka bërë përpjekje shumë kohë më parë. Prova të reja në gjykim të shkurtuar nuk mund të paraqiten dot. Në gjykim të zakonshëm çdo gjë mund të ndodhë. Unë dua të them se interesi i familjarëve është në mënyrë konsistent. Vetëm e vërteta i çlirojnë njerëzit”, tha avokati Matlija.
Ndërsa, Zamira Durda, djali i së cilit humbi jetë pas shpërthimit, u shpreh se kjo është një fitore e vogël për to. Ajo tha se djali i saj u vra me urdhër të ministrit.
“Një fitore e vogël. Të shikojmë si do të ecë. Provat janë publike. Armatimet erdhën urdhri i ministrit e bëri vrau djalin tim”, tha Durda.
Procesi i radhës ndaj ish-ministrit të Mbrojtjes Fatmir Mediu u zhvendos në datën 22 qershor ora 14:00.
