Një ngjarje e rëndë u raportua mbrëmjen e sotme në Përmet, ku një 24-vjeçar vrau nënën e tij.
68-vjeçarja është identifikuar si Zeniat Muhollari. Ndërsa i biri, i identifikuar si Albi Muhollari, dyshohet se ishte në gjendje depresioni kur ka mbytur nënën.
Ngjarja ka ndodhur rreth orës 21:00, në lagjen “Partizani”.
Policia menjëherë pas marrjes së njoftimit janë vënë në ndjekje të autorit dhe kanë bërë të mundur kapjen dhe shoqërimin e tij në ambientet e Komisariatit të Policisë Përmet, për kryerjen e veprimeve të mëtejshme.
Në vendngjarje ndodhet grupi hetimor dhe nën drejtimin e Prokurorisë vijon puna për sqarimin e plotë të rrethanave të ngjarjes.
