Luizi ka publikuar sot këngën e tij të re e cila titullohet “Përjetësisht” dhe është baladë që i dedikohet bashkëshortes së tij, Kiara Titos.
“Kur jeta më mundi rrugën e gjeta te ti. Nuk e di a të meritoj pasha dy sytë në ballë, kam një jetë që po të kërkoj, unë si ti kurrë nuk kam parë. Se çdo ditë e ndjeja, e ndjeja që një ditë do jem me ty”, këndon Luizi mes të tjerash teksa shton: Përjetësisht tha zemra, përjetësisht e jemja, kanjëherë kam frikë a mos je andërr e po cmendna.
Ndonëse ka pak minuta që është publikuar kënga po pritet shumë mirë nga publiku dhe numëron mijëra pëlqime e komente.
Kujtojmë se historia e tyre nisi në “Big Brother VIP” ku dyshja u dashuruan me njëri-tjetrin.
