Shtyhet sërish rritja e pagave për rreth 130 mijë punonjës së administratën publike.
Lajmi i hidhur është konfirmuar mesditën e sotme nga ministrja e Ekonomisë dhe Financave, Delina Ibrahimaj e cila ka bëri më dije se vendimi për reformën e pagave është shtyrë sërish, dhe se nuk do të aplikohet as për muajin maj.
Pagat e prillit që do të merren në maj (Siç e premtoi Edi Rama) nuk do të merren të rritura, pasi siç thotë ministrja Ibrahimaj, duhet ende kohë për zbardhjen dhe bërjen të zbatueshme të VKM-ve.
Gjatë fjalës Ibrahimaj shtoi se vendimi i miratuar në Kuvend kërkon kohë më të gjatë për tu zbatuar. E thënë shkurt, rreth 130 mijë punonjës po gënjehen 3 muaj radhazi për rritje page, por në realitet në llogarinë e tyre bankare nuk ka asnjë rritje.
“Kemi miratuar 8 projektvendime që i hapin rrugë një reforme historike për pagat dhe të ardhurat e punonjësve të administratës publike, por ndikon në mënyrë të qëndrueshme politikën buxhetore që kemi implementuar. Janë 200 institucione që preken nga këto vendime dhe mbi 130 mijë të punësuar. Zbardhja e vendimeve dhe aplikimi i tyre merr një kohë më të gjatë. Për të shkaktuar sa më pak vonesa në marrjen e pagave u kemi kërkuar institucioneve të përgatisin dokumentacionin e nevojshëm që pagat e muajit maj në tërësi të kalojnë siç ishin, para se të hyjë në fuqi reforma dhe me zbardhjen e vendimeve do të instruktojmë dokumentacionin e nevojshëm që shtesat mbi pagë të aplikohen qoftë për muajin prill si për majin. Tatimi mbi të ardhurat për shtesat mbi pagë të jetë tatimi i duhur dhe të mos jetë ekstensiv. Me zbardhjen e vendimit do të instruktohen duke prekur listëpagesat në bazë të një udhëzimi të ministrit të Financave”, tha Ibrahimaj.
Pasi la “tallavanë” e fushatës elektorale, kryeministri Edi Rama “gënjeu” sërish shqiptarët duke i thënë se punonjësit e administratës publike së do të marrin në muajin maj shtesën e rritjes së pagës për muajin prill dhe maj.
- Çfarë deklaroi Rama pas zgjedhjeve?
“Ligji për rritjen e pagave kalon në parlament këtë javë, Arsyeja pse ligji ngeci është se unë i thosha qeverisë dhe deputetëve që do ju rritet rroga të fundit fare. Ministrat ranë dakord. Kur shkojmë në parlament deputetët thonë i duam pagat tani se lodhemi shumë. Me kalimin e ligjit të pagave që do garantojnë fillimin e rritjes së madhe që kemi thënë. Pagat e rritura do të merren që nga 1 Prill që shkoi, Kur të merret paga e parë të mos kujtojnë se ajo që është ajo e muajit. Do jetë edhe paga e prillit, dhe e majit. Votat i kemi marrë, zgjedhjet kanë mbaruar. Megjithëse ka kaluar kohë për shkak të vonesës, vonesën nuk e do e paguajnë ata që marrin pagën por do marrin atë që është premtuar”, deklaroi Rama më 22 maj.
- Shpopullimi arlarmant i Shqipërisë
Megjithëse vendi ynë prej më shumë se 10 vitesh po përballet me shpopullimin alarmant, qeveria e Edi Ramës nuk ka marrë asnjë politikë sociale për të ndaluar këtë fenomen që pritet të ketë pasoja akoma edhe më të rënda për vendin tonë. Ndërsa 1 muaj para zgjedhjet lokale, Rama nuk e ndal imagjinatën e premtimeve madje këtë herë kreu i qeverisë thotë se është dakordësuar që me “shkopin magjik” paga mesatare në Shqipëri të shkojë brenda vitit nga 563 euro në 900 euro.
