Garbine Muguruza ka njoftuar se do të martohet me njeriun që disa kohë më parë i kërkoi një selfie në Central Park.
29-vjeçarja spanjolle e ka njohur njeriun e jetës në parkun më të madh të Nju Jorkut dhe pas dy viteve bashkëjetesë, ajo do të shkojë në altar me modelin Arthur Borges.
Kampionia e Wimbledon 2017 u njoh me bashkëshortin e ardhshëm në vitin 2021 kur ai e njohu në park dhe kërkoi që ata të realizonin një foto selfie që ai ta kishte si kujtim.
“E kisha hotelin pranë Central Park dhe vendosa të dal një xhiro sepse po mërzitesha. Teksa po ecja ai më uroi fat në US Open dhe unë mendova: Wow, qenka shumë i pashëm”, deklaron tenistja me origjinë venezueliane.
Ceremonia e martesës do të zhvillohet në një plazh spanjoll gjatë kësaj vere.
