Kandidati i opozitës për Bashkinë e Kuçovës, Lefter Maliqi ka ironizuar Pëllumb Salillarin, për të cilin ka depozituar një kallëzim në SPAK.
Maliqi e ka akuzuar publikisht Salillarin si personin që financoi blerjen masive të votave në Kuçovë për lokalet e 14 Majit, në favor të kandidatit socialist dhe kryebashkiakut aktual Kreshnik Hajdari.
Në një postim në FB këtë të Martë, Maliqi shkruan: Edhe ‘Zogu i Tiranës’, dëshmitar në gjyq kundra Oligarkut Pëllumb Hajdari, pengmarrësit të Kreshnik Salillarit!
“Nuk thonë kot, të mbysin zullumet kur bën vetëm keq! E drejta do të triumfojë! S’ka kthim prapa”, shton ai.
Në një raportim mediatik disa muaj më parë, janë ngritur dyshime se Salillari merrte pjesë në festat e shfrenuara të organizuara nga “Zogu i Tiranës”, i cili është akuzuar nga prokuroria e Tiranës për shfrytëzim prostitucioni.
“Nga një ish faturino në autobusin e linjën urbane të Beratit, sot në një nga njerëzit më të pasur në Shqipëri, Salillari organizon shpesh festa dhe turne seksuale jashtë vendit, me të ftuar specialë dhe haremin e femrave të Tiranës, me paratë që ka përlarë në buxhetin e shtetit dhe plaçkitjen e pasurive publike. Në orgjinë e organizuar në Maqedoni, i ftuar special nga Salillari mësohet se ka qenë edhe stari i prostitucionit dhe orgjive, Zogu i Tiranës. Një dosje e pazakontë në prokurori tregon se si Zogu i Tiranës bëhet pjesë e orgjive në Tiranë, ku merrnin pjesë personazhe VIP, njerëz të botës së krimit dhe biznesmenë të ndryshëm. Krahas konkubinave, Salillari duket se është argëtuar edhe me Zogun e Tiranës, i cili i në këmbim ka siguruar pushime dimërore dhe verore në vende ekzotike, por ndoshta edhe privilegje të tjera”, shkruhet në artikullin e publikuar nga “prapaskena”.
