Një i ri i shpallur në kërkim për moskallëzim të krimit, lidhur me një ngjarje në Berat ku janë shënuar të shtëna me armë, është arrestuar.
Në pranga u vu F.Ç., 19 vjeç, banues në Çorovodë. Gjykata e Shkallës së Parë e Juridiksionit të Përgjithshëm Berat ka caktuar ndaj 19-vjeçarit, masën e sigurisë “Arrest në burg”, për veprën penale “Moskallëzimi i krimit”.
Sipas policisë, ai dyshohet se ka shoqëruar në automjet, shtetasin A. G., i cili pas një konflikti të çastit, të ndodhur në prill të këtij viti, ka qëlluar me armë zjarri në drejtim të automjetit të shtetasit I.D., i cili në momentin e qëllimit, ishte jashtë automjetit.
