Një 28-vjeçar shqiptar është arrestuar së bashku me një shtetas bullgar dhe një grek në Greqi, pasi akuzohen për trafik të lëndëve narkotike.
Policia rrugore ka ndalur për kontroll rutinë automjetin e 28-vjeçarit. Mirëpo, 28-vjeçari i frikësuar ka vazhduar të ecë me shpejtësi dhe ka kryer manovra të rrezikshme më qëllim që të shpëtonte prej policëve.
Arratia nuk zgjati shumë, pasi shqiptari zbriti nga makina me qëllim që të arratisej, por në ato momente i kanë rënë nga xhepat sasi të lëndëve narkotike, 3 celularë dhe 230 euro.
Nga hetimi i autoriteteve greke, rezulton se gjatë muajit maj ata kishin formuar një grup kriminal që vepronte në trafikun e lëndëve narkotike (kanabis) në zonën e Kalamatës.
