Lefter Maliqi, kandidati për kryetar të Bashkisë Kuçovë, i cili nuk mundi të dalë fitues vetëm për më pak se 400 vota dhe që ka kërkuar një hetim të thelluar për rezultatin të cilin e konsideron të manipuluar, ka falënderuar votuesit.
Në një takim të zhvilluar këtë pasdite, Maliqi shprehet optimist se e vërteta do të triumfojë dhe se manipulimi i votave do të zbardhet.
Po kështu Maliqi është i bindur se vjedhja e votave u bë nga Salillari me urdhër të Ramës dhe se e drejta do të triumfojë e krimi do të ndëshkohet. Lefter Maliqi ka depozituar në KQZe një kërkesë për rinumërimin e votave.
“Takim falenderues, mirënjohës me “Shtabin Elektoral” në Bashkinë Kuçovë. Së bashku ja dolëm të vetëm të kthenim besimin shpresën, të fitonim zemrat e banorëve të Kuçovës dhe të merrnim masivisht votat e tyre pa dallim politik. Fitorja është e jona dhe e qytetarëve! Kjo as nuk vihet në dyshim dhe as diskutohet në sytë e banorëve dhe qytetarëve kudo! Mandati u grabit, u manipulua nga narkoshteti dhe ‘Oligarku’ Salillari, me urdhër politik para dhe gjatë procesit të numërimit. Faktet, provat flasin vet, të cilat u derguan në SPAK dhe u bë ankimimi për hapjen e kutive. E drejta do të fitoj! Mirënjohje gjithë secilit! Zyra e “Shtabit Elektoral” do të jetë e hapur. Unë do të jem këtu për të gjithë! Do të jem pranë jush në çdo sfidë për të mirën e qytetarëve për zhvillimin, mirëqënien e qytetit të Kuçovës. Krimi do të ndëshkohet! E drejta do të triumfojë! Ju faleminderit!”, u shpreh Maliqi para mbështetësve.
