Mëngjesin e sotëm një 23 vjeçare nga Tirana i ka vënë zjarrin katër automjeteve në rrugën “Kokonozi”. Ndërkohë janë publikuar dhe fotot e makinave të shkatërruara nga djegja.
Dasara Mançellari pasi ka spërkatur njërën prej makinave me benzinë i ka vënë flakën, më pas janë shkatërruar plotësisht dhe 3 automjete që ndodheshin pranë. Sipas Policisë dyshohet se ngjarja ka ndodhur si shkak i një konflikti për motive të dobëta me shokun e saj, djalin e pronarit të makinave V. P., 56 vjeç.
Skena e zjarrëvënies është filmuar nga kamerat e sigurisë dhe prej tyre është bërë edhe identifikimi i autores. Automjetet tip “Audi”, “Volksëagen”, “Rulotë” dhe një kamioncinë janë shkatërruar plotësisht.
