Habib Rexha, autori i ekzekutimit të Arjan Gosës pak ditë më parë në Kavajë, është vetëdorëzuar në polici këtë të martë pas negociatave me familjen.
Gjatë dëshmisë së dhënë nga Rexha përballë oficerëve të policisë gjyqësore, ai ka pranuar krimin dhe ka rrëfyer se si ka vendosur ta kryejë vrasjen.
31-vjeçari ka treguar se ditën e ngjarjes ka qenë rastësisht në të njëjtën zonë me Arjan Gosën. Ai është shprehur se në makinë ka qenë një shokun e tij, i cili nuk ka qenë në dijeni të situatës. Më tej, ka thënë se i ka kërkuar mikut të tij të parkonte pak metra larg lokalit dhe ka shkuar e ka qëlluar me pistoletën të cilën e mbante me vete dhe pa leje Gosën.
Pas kësaj, ka rrëfyer se i ka kërkuar mikut të largohen, duke e lënë diku në dalje të Kavajës. Mendohet se autori është strehuar në Kukës pas krimit.
Pasditen e së dielës, Habib Rexha qëlloi me armë zjarri 47-vjeçarin Arian Gosa, i cili ishte ulur në lokal bashkë me të atin.
Autori Habib Rexha është vëllai i Sali Rexhës. Ky i fundit u përfshi në një konflikt me vëllanë e Arian Gosës, Edmond Gosa më 29 Mars po në Kavajë. Gjatë asaj ngjarjeje, të dy mbetën të vdekur pasi qëlluan njeri-tjetrin me thikë e armë zjarri.
Për hetuesit, vrasja e së dielës është hakmarrje lidhur me krimin që ndodhi në fund të marsit.
Lexo edhe:
Vrasje në Kavajë/ 47-vjeçari ekzekutohet për hakmarrje në sy të të atit, dinamika
