Eksperti i sigurisë, Fatjon Softa është shprehur se rënia e frikshme e euros gjatë fushatës është tregues se paratë e pista mund të jenë përdorur gjatë aktivitetit elektoral.
Softa u shpreh rënia e euros ishte shqetësuese dhe erdhi për shkak të konvertimit të kësaj monedhe në treg, ndërsa theksoi se “ky është tregues që paratë e pista, informale, të ardhura nga burime të tjera të paligjshme mund të jenë përdorur edhe në aktivitetet e fushatës”.
“Shqetësues ishte fakti që monedha euro ra frikshëm në këtë periudhë, madje deri në ditën e votimi. Ky ishte një lloj treguesi se na vinte në dyshim se pse po bie kjo monedhë sepse nuk ishim në sezon, në ardhjen e emigrantëve, nga ngarkesa për shkak të drogës, por erdhi për shkak të konvertimit të kësaj monedhe në treg. Por përse u konvertua kaq shumë dhe pse euro ra kaq frikshëm pikërisht në këtë moment kur ka njëlloj stabiliteti dhe nuk po dimë si do të jetë vazhdimi i saj.
Është indikacion për të treguar që paratë e pista mund të jenë përdorur në fushatë, i takon organeve ligjzbatuese që do të hetojnë dhe do kenë jo vetëm konkluzion, por veprim.
Është tregues që paratë e pista, informale, të ardhura nga burime të tjera të paligjshme mund të jenë përdorur edhe në aktivitetet e fushatës. Nuk po analizoj emra partish e individësh.”– tha eksperti për Panorama TV.
