Kreu i një bande shqiptare grabitësish në Greqi është arrestuar pas një viti e gjysmë kërkime nga policia helene.
Ai së bashku me bashkëpunëtorët vidhnin automjete superluksoze nga zonat e pasura në Athinë, dhe më pas i shisnin në tregun e zi.
Sipas medias greke kreu i bandës është 29 vjeç dhe ka precedentë të mëparshëm penalë.
Kjo bandë, të paktën nga fillimi i gushtit 2021 deri në mesin e vitit 2022, ka proceduar në mënyrë dhe metodë specifike në vjedhjen e automjeteve si ‘Land Rover’, ‘Range Rover’ dhe ‘Porsche Cayenne’.
Pasi pikasnin makinat që donin të vidhnin, ata afroheshin në këmbë dhe pasi thyenin xhamin e derës së shoferit apo pasagjerit, futeshin brenda dhe çaktivizonin alarmin.
