Sekretari i përgjithshëm i PD-së, Flamur Noka i ftuar në emisionin “Të Paekspozuarit” në MCN tv, teksa analizoi humbjen e Koalicionit “Bashkë Fitojmë”, tha se me 14 maj në Shqipëri kishte votime, porse jo zgjedhje.
Sipas tij, ata nuk mund të pranojnë zgjedhje të tilla që ishin veçse një masakër elektorale.
“Më 14 maj në Shqipëri kishte votime nuk kishte zgjedhje. E gjitha ishte një masakër elektorale, në atë datë e tërë administrata, policia, tatimorët, shërbimi informativ, bandat, trafikantët, të gjithë vërshuan në çdo qendër votimi. Për herë të parë € bie nga 125 lekë në 109 lekë, dhe sipas ekspertëve, i bie qe minimumi janë kthyer 300 milion € për tu hedhur në tregun elektoral dhe për tu devijuar vullneti i zgjedhësve.
Sali Bersiha dhe ne hymë në zgjedhje pa logo, u bë gjithçka që emri i tij në fletën e votimit të hiqet. Pavarësisht kësaj ne kemi marrë vota rekord, 502 mijë ishin në kutia, 180mijë të tjerë ishin transferuar dhe nuk u dihej qendra e votimit, të gjithë ishin të opozitës. Ne nuk i njohim këto zgjedhje, nuk njohim një masakër”, tha Noka.
