Pas humbjes në 14 maj, një pjesë e madhe dolën me thirrjen për një bashkim të PD-së dhe se vetëm kjo gjë mund të shpëtojë të djathtën nga dështimet e mëpasme.
Eno Bozdo në një postim në rrjetin social Facebook, shprehet se në kushtet ku ndodhet PD, e vetmja gjë që duhet të bëhet është analiza e asaj që ka ndodhur dhe mbajtja e fortesës.
Sipas Bozdos, e djathta ka marr 500 mijë vota dhe këto në kushtet kur nuk kiishiin as numërues dhe as logo.
Në një postim në FB, ai shkruan:
“Më lënë pa mend dhe pa frymë deklaratat e tipit “PD duhet të bashkohet” apo “të mësojmë nga e shkuara dhe mos gabojmë më”. Janë jo vetëm bosh nga përmbajtja por edhe acaruese sepse shmangin thelbin e problemit. Dhe thelbi i problemit, me pak fjalë, është ky: Prej afro 2 vjetësh, PD ndodhet nën një sulm brutal nga Rama dhe pushteti i tij. Qëllimi kryesor është zhbërja e PD. Për pak sa u arrit. Por opozita ia doli të rezistojë.
Rama nuk ishte vetëm në këtë aksion. U ndihmua fort nga brenda dhe jashtë PD. Në këto dy vjet, secili nga ne ka mbajtur qëndrimet e tij në lidhje me këtë situatë. Secili nga është ekspozuar fort ( për fat të mirë). Askush nuk mund të fshihet. Pas masakrës të paralajmëruar të 14 majit, secili nga ne duhet të reagojë pikërisht mbi fakt, dhe të pozicionohet mbi të vërtetat e rënda të sapofaktuara.
Pyetjet kryesore janë: çfarë qëndrimi ke mbajtur këtë kohë? E konsideron të drejtë apo jo? Në se jo, çfarë do bësh për të ndrequr qëndrimet e tua? Kaq e thjeshtë është. Nuk ka nevojë për slogane bosh. Nuk ka nevojë për fjali pa sens. Po e filloj nga vetja ime: janë 500 mijë vota.të ndershme dhe të pathyeshme demokrate. 500 mijë individë që nuk shiten dhe blihen. Në ditën më të keqe, në ditën më të rëndë ku as emër, as logo dhe as numërues nuk kishim. Kjo është PD. Kush do, e nderon dhe respekton këtë armatë. Kush nuk do, mund të bëjë çfarëdo, por jo më të flasë në emër të tyre. Prandaj, na e kurseni këtë estradë, se turpin keni kohë që nuk ia kurseni më vetes!
