Askush nuk do ta besonte që vetëm një vit pas përleshjes që kishte Albert Krasniqi nga labeli i njohur “Babastars” me reperin e njohur Noizy nga labeli i famshëm “OTR”, gjërat do të ndryshonin për mirë.
Ka mjaftuar vetëm një fotografi e postuar në Instagram nga Jeton Lasku (pronari i një clubi të famshëm), ku shihet së bashku me Alberti dhe Noizy, që ata të dy të bëhen lajm në mediet rozë.
Të gjithë u shprehën të habitur, kur panë të dy në darkë ulur pranë njëri-tjetrit. Madje u tha, se Alberti edhe mund të bëhet pjesë e “OTR”.
Për herë të parë Alberti ka rrëfyer për Express, se cila ishte arsyeja që ai tashmë ka rregulluar raportet e tij me Noizyn.
Alberti tha se më parë me Noizyn ka ndodhur një keqkuptim, por menjëherë pas kësaj janë pajtuar.
“Me Noizyn ka qenë një keqkuptim ajo që ka ndodh, menjëherë mas problemit jemi pajtua si familje po edhe personalisht me Noyzin… arsyeja pse e kom publiku foton me Noyzin bash në këtë kohë është për të dhënë një mesazh për krejt Shqiptarët kudo qe janë, pa dallim feje apo grupi muzikor apo biznesi… Jemi Shqiptar dhe duhet me largu inatin mes vete… nuk jam pjese e asnjë grupi muzikor, jam pjesë e kompanisë ‘Përparimi’, biznes i cili u themelua në vitin 90’ dhe fatmirësisht nuk jam i varur nga askush, dhe asnjëherë nuk kam dashur të përfitoj nga diçka tjetër përveç biznesit Familjar…”, – është shprehur ai.
Kujtojmë se vetëm pak muaj më parë kishin ndodhur disa pakënaqësi brenda “Babastars”. Ishte vetë Alberti, ai i cili kishte shprehur pakënaqësitë, duke i shkruar Getit në “Viber”, se ai po merret më shumë me Majkun sa i përket datave të koncerteve dhe se interesimi për Skivin, Cozmanin dhe Onatin është shumë më i vogël.
Alberti e kishte publikuar këtë bisedë, duke lënë mbishkrim se kjo është arsyeja, pse ai është jashtë “Babastars”.
