Koalicioni opozitar “Bashkë Fitojmë” arriti të marrë drejtimin vetëm në shtatë bashki nga 61 gjithsej në zgjedhjet e 14 majit, por rezultati për këshillat bashkiakë në këto njësi të qeverisjes vendore tregon se do të jetë e vështirë vendimmarrja për kryebashkiakët e djathtë pasi PS ka fituar më shumë mandate.
Në gjashtë prej këtyre bashkive, pasi numërimi i votave për këshillin nuk ka nisur ende në Kavajë ku triumfoi Fisnik Qosja, rezulton se “Bashkë Fitojmë” sipas numrit të QV-ve të numëruara deri tani ka fituar një numër të vogël mandatesh.
Surprizë është këshilli i bashkisë së Fushë-Arrëz ku Hil Currit të ‘BF’ do t’i duhet të bashkëpunojë me aleatët opozitarë të Partisë Agrare Ambientaliste me 3 mandate të fituara dhe Partisë Kristian Demokrate, për të bërë shumicën.
Në këtë bashki tre mandate këshilltarësh ka arritur të fitojë edhe PSD e Tom Doshit, duke lënë pas PS dhe koalicionin ‘BF’.
Sakaq në bashkinë e Hasit, pas PS dhe koalicionit “BF” me nga 2 mandate renditen PAA, PSD dhe LZHK dhe Partia e Gjelbër.
Në bashkinë e Pukës shumicën e mandateve e ka fituar PSD e Tom Doshit, duke prirë me 3 këshilltarë, ndërsa surprizë është edhe Aleanca Arbnore Kombëtare me 2 mandate.
Në Mirditë PS dhe PSD kanë numër të barabartë mandatesh, nga 4 secila. Pas tyre me nga dy mandate, përveç koalicionit “Bashkë Fitojmë” renditen Partia Demokratike e Enkelejd Alibeajt, LZHK dhe Fryma e Re Demokratike.
Ndërkohë, në Himarë përveç dy forcave të mëdha, në Këshill do të përfaqësohet edhe PSD e Tom Doshit me dy mandate, ndërsa po aq ka edhe Aleanca Arbnore Kombëtare. Tre mandate ka arritur t’i fitojë partia “MEGA” e minoritetit grek.
HAS
Bashkë Fitojmë – 3 mandate
Partia Socialiste – 4 mandate
FUSHË-ARRËZ
Bashkë Fitojmë – 1 mandat
Partia Socialiste – 2 mandate
PUKË
Bashkë Fitojmë – 1 mandat
Partia Socialiste – 2 mandate
MIRDITË
Bashkë Fitojmë – 2 mandate
Partia Socialiste – 4 mandate
HIMARË
Bashkë Fitojmë – 5 mandate
Partia Socialiste – 9 mandate
MEMALIAJ
Bashkë Fitojmë – 3 mandate
Partia Socialiste – 7 mandate
