Gjykata e Vlorës do të mbajë këtë të Shtunë masën e sigurisë për Fredi Belerin, kandidatin e opozitës për Bashkinë e Himarës.
Gjykata do të shprehet edhe për personin e dytë të arrestuar, pjesë e stafit elektoral të Belerit, i cili ndodhet në QSUT për shkak të problemeve shëndetësore që ka shfaqur pas arrestimit.
Të dy akuzohen nga prokuroria për veprën penale “Korrupsion aktiv në zgjedhje”, kryer në bashkëpunim. Sipas hetimeve nga akuza e Vlorës, Fredi Beleri dhe Pandeli Kokaveshi kanë premtuar para për vota si dhe i kanë dhënë 40 000 lekë të reja një të infiltruari nga policia për blerje votash.
Kandidati për Himarën u vu në pranga jashtë lokalit të tij orët e para të së premtes, vetëm dy ditë para zgjedhjeve lokale.
Sulmet e ashpra ndaj tij nga kryeministri Edi Rama ditët e fundit kanë ngritur dyshime se arrestimi ka prapavijë politike. Këtë qëndrim mbajti opozita që e quajti ndalimin e kandidatit një rrëmbim dhe hakmarrje të Ramës.
Një reagim të fortë ka pasur edhe nga Athina zyrtare. Kryediplomati grek tha se arrestimi i përfaqësuesit të minoritetit grek nga autoritetet në Shqipëri do të përbëjë një skandal nëse është bërë pa prova.
Kryeministri grek kërkoi lirimin e Belerit, duke paralajmëruar se Greqia mund të kthehet në pengesë në procesin e integrimit për Shqipërinë.
Ndërkohë, ambasadorja greke në vendin tonë ka është e pranishme jashtë ambienteve të gjykatës.
