Arrestimi i dyshimtë i Fredi Belerit në Himarë, pas lumit të epiteteve dhe fyerjeve e kërcënimeve që kryeministri Edi Rama shprehur për të në tre ditë e fundit, ka tensionuar fushatën elektorale, disa orë para vendosjes së heshtjes zgjedhore.
Opozita ka ngritur zërin duke e cilësuar arrestimin e Belerit një hakmarrje direkte të Ramës dhe skenar me prapavijë politike, ndikuar nga sondazhet negative që e nxirrnin Jorgo Goron, humbës përballë kandidadit të koalicionit “Bashkë Fitojmë”.
Sakaq, notë e fortë proteste ka ardhur nga Greqia, me kryeministrin Kiriakos Mitsotaqis që ka kërcënuar me bllokim të rrugës europiae të Shqipërisë, në rast se Beleri nuk lirohet nga policia.
Të gjithë situatës së ndezur politike, duket se kryeministri Edi Rama t’i hedhë benzinë dhe jo ta çtensionojë në takimin më të fundit elektoral, që e pati në Vaun e Dejës.
Ashtu siç bëri me Belerin pak ditë më parë, Edi Rama ka kërcënuar hapur kandidatin demokrat Zef Hila, i cili garon përballë Kristjan Shkrelit nga PS.
Duke e shitur veten si mbrojtës i votës së lirë, edhe pse në të 61 bashkitë e vendit janë raportuar presione dhe shantazhe (edhe me armë në brez) ndaj qytetarëve, në këmbim të mbështetjes për kandidatët e majtë, Rama u shpreh në Vaun e Dejës se Zefi nuk duhet të blejë vota “pasi po kapen shumë”.
Rama e la të kuptohet qartë se policia e kontrolluar prej tij dhe Bledi Çuçit nuk ka ndërmend të ndalë arrestimet, duke mos toleruar në rast se i cënohet fitorja e kandidatëve të tij, duke nënkuptuar rastin e arrestimit të Fredi Belerit në Himarë.
“Zef mos i merr në qafë njerëzit duke shpërndarë para për vota se është shumë vonë. Më beso mua, unë e di se ti nuk e bën këtë por mos lejo të tjerët të bëjnë kështu se po kapen shumë”, tha Rama.
