Marco Asensio është në përfundim të kontratës me Real Madrid. Sulmuesi spanjoll akoma nuk ka vendosur për të ardhmen e tij dhe vera pritet të jetë e nxehta. Të shumta janë skuadrat që janë të gatshme të garojnë në distancë për të.
Sipas The Athletic, lojtari është në krye të listës së dëshirave të Unai Emery për Aston Villa për sezonin e ardhshëm.
Ky opsion mbetet i pëlqyeshëm për Asension pasi në Villa Park do kishte mjaft hapësira.
Gjithsesi, ka një problem, pasi Aston Villa nuk futet te skuadrat e mëdha. Mundësitë e transferimit rriten, nëse skuadra kualifikohet në Europë (Aktualisht ekipi i Emery renditet në vendin e tetë).
