Kur na ndajnë vetëm 4 ditë nga zhvillimi i zgjedhjeve lokale të 14 Majit, në të gjitha bashkitë e vendit ka nisur shpërndarja e materialeve zgjedhore nga ana e KQZ-së.
Materialet zgjedhore pasditen e sotme kanë mbërritur në qytetin e Vlorës, ku janë transportuar me mjete të ushtrisë dhe janë stacionuar në ambientet e Pallatit të Sportit.
Nga aty më pas do të nisë shpërndarja e tyre në KZAZ-të përkatëse, teksa bashkia e Vlorës në total ka 225 qendra votimi dhe katër Komisione të Zonave të Administrimit Zgjedhor, me numër 83, 84, 85 dhe 86.
Ndërkohë, më herët gjatë ditës materialet e votimit u shpërndanë edhe në Lezhë.
