Ambasadorja e Bashkimit Evropian në Tiranë, Christiane Hohmann ka marrë pjesë ditën e sotme në një aktivitet të organizuar me rastin e Ditës së Evropës në Qendrën e Vizitorëve të Parkut Kombëtar të Dajtit dhe nuk munguan lavdet për kryeminstrin Rama pak ditë para zgjedhjeve të 14 Majit.
Hohmann, ashtu si Romana Vlahutin, e cila u procedua për mosdeklarim të të dhënave të sakta mbi pasurinë, duke shkelur ligjin për parandalimin e konfliktit e interesit, një instrument i rëndësishëm për parandalimin e korrupsionit dhe ish-ambasadori i OSBE në Tiranë, Bernd Borchardt, i cili kalonte pranë protestuesve të Astirit, u bëri disa shenja fyese me gisht pas thirrjeve të tyre ‘Rama ik’ dhe ‘Shame on you’, vijnë në Tiranë për ti bërë qokat Ramës e thurin lavde a thua se “si ai nuk ka tjetër”.
Teksa të rinjtë shqiptarë po rrezikojnë jetën çdo ditë e më shumë duke ndërmarrë udhëtime të vështira drejt vendeve të ndryshme të europës, ose edhe më larg, Hohmann i thur lavde qeverisë Rama dhe shprehet se “duhet festuar me rininë shqiptare”, duke harruar se rinia shqiptare ka emigruar falë politikave të kësaj qeverie korruptive që ruan interesat e oligarkëve.
“Para një viti nuk kishim çelur negociatat, ndërkohë që vjet në korrik mbajtëm Konferencën e parë Ndërqeveritare. Shikoni sa shumë gjëra janë bërë dhe kjo duhet të jetë ditë për të cilën shqiptarët duhet të jenë shumë krenarë. Kemi ecur shumë në këto 10-11 muaj dhe kjo është shumë e rëndësishme”, tha ajo. Ambasadorja nënvizoi se, “është e vërtetë se ka ende shumë punë për t’u bërë që Shqipëria të bëhet shtet anëtar me të drejta të plota në BE”, por ajo theksoi se “ju jeni Evropë. Nuk mund ta theksoj më shumë se kaq këtë gjë”.
Ndërkohë realiti është ndryshe, pasi Rama dhe minsitrat e tij po punojnë për xhepat e tyre. Shifrat e shqiptarëve që kërkojnë azil janë gjithnjë e më të larta, inflacioni mbetet i lartë. Çmimet e ushqimeve nga ana tjetër janë akoma më të larta, por vetëm pensionet dhe rrogat mbeten të ulëta.
