New York Times ka botuar një artikull të gjatë, ku zbulon lidhje të pretenduara të presidentit serb, Aleksandër Vuçiç me botën e krimit në Serbi. Artikulli përmban hollësi rreth krimeve të kryera nga një grup kriminal, udhëheqësi i të cilit thotë se i ka shërbyer pushtetit të presidentit Vuçiç.
Lidhur me raportimet ka reaguar presidenti serb, i cili thotë se artikulli është porositur pesë muaj më parë.
“E kuptova momentin kur u njoftua, pikërisht në kohën e bisedimeve në Bruksel për të marrë një mesazh të qartë: CIA po ju përgatit, CIA po ju shikon dhe nëse nuk dëgjoni, ky është vetëm fillimi. Përgjigja ime është se e kuptova mesazhin, nuk u frikësova prej tyre, nuk më magjepsin marrëzitë që shkruan. Unë do të luftoj për vendin tim, e ju vazhdoni të gënjeni me bashkëpunëtorët tuaj”, shpjegoi ai.
