Një kryebashkiak 44-vjeçar polak, ka rënë nga kati i katërt i hotelit ku ai qëndronte në Itali dhe ka ndërruar jetë. Ngjarja ndodhi në orën 2:00 në hotelin “Due Colonne” në qendrën historike të qytetit.
Sipas hetimeve policore kryebashkiaku ndodhej në një dhomë me një koleg dhe në një moment, teksa ka qenë i ulur në dritare, ka humbur ekuilibrin duke rënë nga një disa metra lartësi.
Policia italiane ka përjashtuar hipotezën e një sulmi dhe rënia e tij mund të ndiqet si një aksident. Kryebashkiaku polak ndodhej në Sardenjë së bashku me disa bashkatdhetarë të tjerë për një sërë vizitash institucionale.
