Janë parë nga të gjithë momentet e zgjedhjes dhe më pas të betimit të Prokurores së Përgjithshme të përkohshme Arta Marku në sallën e Kuvendit këtë të hënë.
Por një moment u ka shpëtuar të gjithëve.
Siç duket edhe nga pamjet, prokurorja e përgjithshme nuk është betuar mbi Kushtetutë. Ndryshe nga sa kërkon ky moment ajo ka qëndruar e çliruar madje ka mbështetur duart mbi tavolinë ndërsa kryetari i Kuvendit Gramoz Ruçi lexonte formulën: “Betohem solemnisht se gjatë kryerjes së detyrës do t’i qëndroj kurdoherë besnik Kushtetutës së Republikës së Shqipërisë, ligjeve në fuqi dhe do të respektoj rregullat e etikës profesionale”.
Pas leximit të kësaj formule, Marku rrëmbeu mikrofonin, përsëriti fjalën “Betohem” dhe u largua.
