Tashmë finalja e Kupës së Greqisë, mes AEK-ut të Athinës dhe PAOK-ut të Selanikut, ka marrë formë serioze. Është presidenti i Federatës Shqiptare të Futbollit, Armand Duka që ka folur për këtë çështje.
Në një intervistë të dhënë për “SDNA”, Duka ka konfirmuar se FSHF-ja është e hapur për të pritur këtë finale. Por, gjithashtu ka theksuar se problem mbetet data 24 maj për shkak të rezervimit të stadiumit nga këngëtari grek, Nikos Vertis.
“Ne po përballemi pozitivisht më mundësinë për të pritur finalen e Kupës së Greqisë në Tiranë. Ne do të ishim mëse të lumtur për ta bërë një gjë të tillë.
Për fat të keq, problemi me datat i përket Federatës Greke të Futbollit dhe jo federatës tonë. Më datë 24 maj është e pamundur që të luhet kjo ndeshje në “Air Albania””, i cili theksoi se data 19 maj është opsioni i volitshëm për FSHF-në.
