Një tërmet me magnitudë 4.4 të shkallës rihter ka tronditur Greqinë.
Lëkundjet janë ndier pasditen e kësaj të shtune, rreth orës 17:43. Sipas mediave vendase, tërmeti ka rënë në jug të ishullit të Kretës.
Sipas mediave greke, epiqendra ishte 41 kilometra në jug-jugperëndim të Paleochora Chania. Po ashtu, mësohet se thellësia ishte 23.6 kilometra.
Tërmeti është ndierë në zonën e Kretës jugore dhe perëndimore, pa shkaktuar dëme.
