Enkelejd Alibeaj ka vijuar retorikën e njëjtë me të Lulzim Bashës duke vijuar deklaratat e tij të pabesueshme.
Përballë panelit të gazetarëve në emisionin “Opinion”, Alibeaj deklaroi se në Kuvendin e 18 Dhjetorit të organizuar nga Lulzim Basha merrnin pjesë 5 mijë delegatë në Pallatin e Kongreseve e cila në realitet ka një kapacitet maksimal prej 2100 personash.
“Në Kuvendin 18 Dhjetorit ishin 5 mijë veta brenda në Pallat Kongreseve”, pohoi Alibeaj.
REALITETI- Kjo shifër është e pabesueshme, për faktin se salla e Pallatit të Kongreseve nuk mban as gjysmën e numrit të delegatëve (jo me shume se 2100 persona) të pretenduar nga dyshja Alibeaj-Basha.
E thënë ndryshe për të besuar deklaratën e Alibeajt duhet që në hollin e Pallatit të Kongreseve më 18 Dhjetor të ishin të paktën 2500 të tjerë në pritje për të votuar vendimet e propozuara nga Basha. Realiteti ishte i kundërt pasi vetëm salla kishte pjesëmarrje delegatësh, kurse holli i Pallatit të Kongreseve ishte i boshatisur.
