Shkatërrohet banda shqiptaro-greke e cila dyshohet si përgjegjëse për një sëri grabitjesh të dhunshme dhe për dy vrasje.
Sipas gazetës “Kathimerini”, policia greke ka kryer një operacion masiv për shkatërrimin e bandës që vepronte në jug të Athinës.
Në pranga kanë rënë dy shqiptarët e moshave 28 dhe 43 vjeç, si edhe një grek i moshës 43 vjeç.
Gjithashtu, Policia greke dyshon fort se pjesë e bandës është edhe një 27-vjeçar shqiptar, i cili tashmë është në burg për akuzën e grabitjes.
Hetimet kanë treguar se banda shqiptaro-greke është përgjegjëse për vrasjen e një greku 53-vjeçar në Elefsinë, jugperëndim të Athinës, e ndodhur në mars të vitit 2015, si edhe të një 75-vjeçareje në Aspropirgo në muajin tetor të atij viti.
Të dyja viktimat dyshohet se janë vrarë gjatë tentativave të dhunshme të grabitjeve në banesat e tyre, nga ana e bandës shqiptaro-greke.
