Dayot Upamecano mungoi për Bayern Munchen ndaj Herthës së Berlinit, por duket se sot kanë ardhur lajme të mira nga bavarezët. Klubi bën me dije se mbrojtësi është rikthyer në stërvitje, duke bërë një vrapim të lehtë.
Sa i takon rikthimit zyrtar në fushë, francezi nuk pritet të kontribuojë ndaj Werder Bremen të shtunën. Prezenca e tij në ndeshjen kundër Schalkes më 13 maj është më e mundshme.
“Lajm i mirë nga terreni i stërvitjes në Säbener Straße: Dayot Upamecano filloi të vraponte përsëri të martën në mëngjes. 24-vjeçari u dëmtua javën e kaluar” – Shkruan klubi. Upamecano ka luajtur 26 ndeshje këtë sezon në Bundesligë.
