Afrimi i zgjedhjeve vendore të 14 Majit për vitin 2023, ka ndezur dëshirën e kryebashkiakëve të PS, për të bërë investime.
I përfshirë nga ethet e parakohshme të fushatës zgjedhore, protagonist këtë herë në arenën elektorale, është kryebashkiaku socialist i Kuçovës, Kreshnik Hajdari i cili është kujtuar të hedhë çakull në rrugët e lëna në harresë prej vitesh.
Rasti është denoncuar nga “Kandidati i Koalicionit Bashke Fitojmë”, për Bashkinë e Kuçovës, Lefter Maliqi, i cili përmes disa videove të publikuar në rrjete sociale tregon fadromat duke hedhur çakullin në lagjen e Vidhave, ku dhe do të mbajë takim sot Hajdari.
Maliqi akuzon se përpos çakullit elektoral që po shtrohet në Kuçovë qarkullojnë zarfe e ndihma me interes vote, ndërsa ka bërë thirrje që më “14 Maj”, këto padrejtësi të ndëshkohen.
Postimi i Maliqit:
Hajdutër, të pa shpirt, të korruptuar, frikacakë, jeni në panik! Shihni ç’bëjnë tek “Pusi i Gazit”, lagjia e Vidhave ku sot bën takim Kreshnik Salillari pengu i oligarkut Pellumb Hajdari. Kudo çakull elektoral në fshat e qytet, kudo joshje, zarfe, ndihma me interes vote, shtesë të listave me perkrahje sociale që sipas ligjit nuk perfitojnë, shtim punonjësish me kontratë. S’ka popull budalla që mos t’ju kuptoj dhe ndëshkojë, ju gjakepirës të taksave të popullit ju hajdutër ordiner! Ju të pashpirt e pa moral! Ora e ndeshkimit në “14 Maj” po afron! Kuçova “Kantier Ndërtimi”! Së bashku fitojmë! I përbuzni dhe i shpërfillni këto mashtrime, joshje, presione elektorale! Kuçova do ndryshoj! Bashkia do t’ju kthehet qytetarëve! Të majtë dhe të djathtë, të bashkuar drejt fitores së padiskutuar!
