Nga BoldNews.al
Drejtoresha e Albcontrol-it, Laureta Omeri, ka firmosur një tender të majmë trajnimi për kontrollorët. Ky institucion, që menaxhon hapësirën ajrore të Shqipërisë, do të shpenzojë më shumë se 2 milionë euro për të trajnuar disa persona, punonjës të saj. Pas shpenzimeve për luksin e tyre, për t’u mësuar anglisht, për drek-darka, palestra etij, “qershia mbi tortë” është pikërisht ky tender. Deri më tani, trajnimet kanë kushtuar disa qindra milionë pekë dhe askush s’kishte marrë guximin të shkonte në miliona euro. Por, këtë “tavan” e ka thyer Omeri, me bekimin e eprores së saj, Belinda Balluku, tashmë në karrigen e ministres por më parë ka qenë në krye të Albcontrol-it. Burimet e redakisë së BoldNews.al flasin se Balluku vijon të ketë kontroll të plotë në këtë institucion, aq sa vendos se sa shpenzime do të bëhen apo edhe kush duhet t’i fitojë tenderët.
Sipas dokumenteve që disponon BoldNews.al, drejtoresha e Albcontrol, Laureta Omeri, ka shpallur në Agjencinë e Prokurimit Publik tenderin me objekt “trajnim për 30 kontrollor të rinjë bazikë, TËR VIA dhe AÇ AREA”. Ky njoftim është publikuar në APP në datën 27 prill 2023 në orën 14.04, ndërkohë që parashikohet se procedurat do të bëhen disa javë më vonë. Fondi limit i kësaj procedure është 208.333.333 lekë, ndërkohë që saktësohet mjaft qartë se me kaq para’ do të bëhen “shërbime të trajnimit të personelit” apo edhe “shërbime trajnimi”. Një shifër tejet e fryrë, pasi bëhet fjalë vetëm për trajnime dhe jo për blerje mallrash apo shërbimesh. Shpeshherë ky institucion “fshihet” pas detajeve teknike për të bërë tendera, ku akordon miliona euro për të blerë programe kompjuterike apo për mirëmbajtje pajisjesh. Ndërkohë, me procedurën e fundit, duket mjaft qartë fryrja e kësaj procedure, pasi vetëm për t’u mësuar “punën” këtyre punonjësve po shpenzohen plot 2 milionë euro.
(Denoncimi i BoldNews.al për kursin e anglishtes https://boldnews.al/2023/02/14/kush-ia-terhoqi-veshin-lauretes-qe-te-anulonte-tenderin-160-mln-leke/)
Tenderi i trajnimeve vjen pas procedurës tepër të diskutuar të testimit të anglishtes për punonjësit e Albcontrol-it. Disa javë më parë, BoldNews.al denoncoi procedurat tepër të dyshimta të Omerit, e cila fillimisht shpalli tenderin me objekt “trajnim /testim anglisht” dhe më pas e anuloi. “Arsyet e anulimit janë për shkak të rrethanave të paparashikueshme dhe objektive, nevojat ose aftësia paguesee autoritetit ose entit kontraktor kanë ndryshuar” thuhet në dokumente. Por nëse s’kishte para, përse u hap kjo procedurë? Ku do ti çojë paratë Laureta? Duke qëne se kjo procedurë është atakuar vazhdimisht për vite me radhë, kush ia tërhoqi “veshin” Laureta Omerit? Dhe, pas kësaj “tërheqje veshi”, e njëjta drejtoresha ka firmosur tashmë procedurën mbi kufirin e lartë monetar për të trajnuar 30 punonjës me një vlerë prej 2 milionë eurosh!
