Deputeti Ben Blushi dhe Mimoza Hafizi, kolegë të PS-së por edhe të parimeve dhe mendimeve të njëjta kanë shpërndarë një letër me 20 arsye pse duhet kundërshtuar referendumi i 9 prillit.
Gjatë takimit të tyre në Shkodër, ata parashtruan argumentet e tyre për të kundërshtuar referendumin që do të mabahet për zgjedhjen ose jo të kryetarit të PS-së.
Sipas Blushit Rama ka grabitur mandatin, prandaj po sajon një referendum.
Në përfundim të takimit me socialistë të Shkodrës, ai ka shpërndarë letrën me 20 arsye që sipas Blushit e Hafizit duhet kundërshtuar referendumi i 9 prillit.
Ndërkohë, pak minuta më parë në Facebook deputeti i PS-së, Taulant Balla, ka publikuar fletën e votimit për refendumin e Partisë Sociliste.
“Më 9 Prill, socialistët në mbarë Shqipërinë shprehin mendimin e tyre në një Referendum partiak. Një proces i rëndësishëm, ashtu si në partitë e mëdha progresiste europiane dhe amerikane, ku vendim-marrjen e ka antarësia. Partia Socialiste – E vetmja forcë udhëheqëse në Shqipëri”, shkruan Balla.
