Nga Boldnews.al
Më datë 14 maj ditën e zgjedhjeve lokale në Shqipëri, të gjithë burrat që mund të votojnë djathtas do të merren peng nga gratë e tyre. Koha e pengmarrjes do jetë nga ora 07.00 e mëngjësit deri në orën 19.00 të darkës së 14 majit, atëherë kur përfundon edhe procesi i votimeve. Edhe nëse ndonjë “burrë trim” do gjejë mundësinë të lajmërojë policinë se i është hequr liria (marrë peng), asnjë patrullë nuk do i shkojë në banesë për ta shpëtuar, sepse është një “urdhër” që vjen nga lart nga ai i madhi. Nuk e besoni?
“Do i kërkoja grave këtu që i kanë burrat me mendjen mbrapsht, që t’i mbyllin burrat në shtëpi në 14 maj”-tha Rama në takimin me gratë e Pogradecit, duke quajtur “burra të mprapsht”, ata që mund të votojnë për kandidatin e opozitës në zgjedhjet lokale. Nuk e kishte vetëm me pogradecaret por me të gjithë gratë shqiptare që nëse dyshojnë se burrat e tyre do votojnë kundër kandidatit Rilindas atëherë do nisë në masë të gjerë “operacioni çelësi”.
Të parat do ta japin shembullin shoqet e partisë të cilat që në darkë të vendosin nën jastëk çelësin e banesës. Më pas të ngrihen herët në mëngjes, pa zbardhur mirë dita, sapo gjeli i Rilindjes të këndojë dhe të kapin sa më shpejt orarin për të votuar njeriun e atij të madhit për kryetar bashkie. Në ditët në vijim mund të dalin orientime të tjera për mbarëvajtjen e operacionit çelësi. Disa masa që duhet të merren janë: a)-Të lenë ushqim të mjaftueshëm për tre vafte që duhet të konsumojnë burrat e kyçur; b-të sigurohen që asnjë dritare të mos jetë hapur; c-të kenë banjo brenda shtëpisë, pasi operacioni mund të dështojë dhe partia të bëhet m…
Gruaja është forcë e madhe. Nuk do jetë nevoja për të pyetur partonazhistët se kush burrë është demokrat. Të gjithë do të zbulohen nga gratë e tyre. Edhe për këtë pikë ka menduar vetë ai i madhi, Rama me enturazhin e tij, ministra dhe ministresha. Një grua ministre para pak ditësh mësohet se ka dhënë idenë brilante sesi do zbulohen burrat demokratë. “Shoqet tona të PS-së duhet t’i joshin në forma të ndryshme burrat e tyre, në kulmin e kënaqësisë seksuale do i pyesin për bindjet politike”-mësohet të ketë thënë ajo. Ky mendim mori aprovimin e të gjithëve, në veçanti të kryetarit që e përgëzoi për gjetjen.
Kishte nga ata që vërtetë e vlerësuan por shprehën dyshimin, duke thënë se “burrat demokratë mund të jenë shumë qejfli, ndaj a do të dorëzohen aq kollaj duke ua treguar grave bindjen politike që në “aktin e parë”?
Sërish në këtë pikë shoqja ministre që ka parë edhe shumë filma tha se ka besim tek gratë e partisë të cilat nuk do të lodhen deri sa ta zbulojnë, qoftë edhe në aktin e shtatë…
Kishte mendime të ndryshme sesi të quhej ky operacion masiv që nis në të gjithë vendin më datë 14 maj. Disa hodhën mendimin të quhej “operacioni joshja”, të tjerë “pjeshkëza”, apo edhe “llozi”. Në fund vendosi ai i madhi: –“të bëhemi seriozë, gratë tona po sakrifikojnë, do quhet ‘operacioni çelësi’.
