Një aksident i rëndë është regjistruar pasditen e sotme në Vlorë. Mësohet se dy automjete janë përplasur me njëra-tjetrën në një kryqëzim pranë ish-shtëpisë së oficerëve në qytetin bregdetar.
Si pasojë e aksidentit një prej automjeteve ka përfunduar brenda në një lokal të zonës.
Gjithashtu bëhet me dije se dy persona janë transportuar në spital pasi kanë mbetur të plagosur.
“Sot, rreth orës 17:30, në lagjen “28 Nëntori”, pranë mobileri “Aliko”, një automjet tip “Benz” me drejtues shtetasin A. A., 29 vjeç, është përplasur me një automjet tip “Ford” me drejtues shtetasin B. S., 28 vjeç, automjeti i këtij të fundit, si pasojë e përplasjes ka dëmtuar fasadën e jashtme të një lokali.
Gjithashtu si pasoje e aksidentit, kanë ngelur të dëmtuar lehtë drejtuesi i automjetit tip “Benz” dhe pasagjerja që ndodhej në të, të cilët pas marrjes së mjekimit, dolën nga spitali. Drejtuesve të automjeteve, të dy të pajisur me leje drejtimi, ju krye testi i alkoolit i cili rezultoi 0. 254 mg/l për shtetasin A. A dhe 0. 000 mg/l për shtetasin B. S”, njofton policia.
Ndërkohë, policia ndodhet në vendngjarje dhe po heton shkaqet e aksidentit.
