Juventusi është në kërkim të një drejtori të ri sportiv, pasi Federiko Kerubinit iu la në fuqi dënimi i dhënë. Emri më i lakuar për bardhezinjtë, është ai i Igli Tares që tashmë duket se do të jetë larg Lacios.
Kontrata e drejtorit sportiv të Lacios përfundon këtë verë dhe palët nuk kanë arritur të gjejnë gjuhën e përbashkët për të rinovuar kontratën. Në këtë mënyrë, drejtuesit e Juventusit kërkojnë që të përfitojnë nga ky moment dhe të bëjnë tyrin drejtorin shqiptar.
Në fakt, kjo nuk është hera e parë që emri i Igli Tares lidhet me klubin e Juventusit. Edhe në të shkuarën, është aluduar për një kalim të mundshëm në Torino, por në fund ka mbetur sërish në kryeqytet.
