Sulmuesi shqiptar i Kosovës, Arb Manaj e ka bërë “sefte” në elitën e futbollit kroat duke gjetur golin e parë në kampionat me fanellën e Slavia Belupos.
24-vjeçari tundi rrjetën në duelin ndaj Sibenikut, që përfundoi me shifrat 3-1 ooër skuadrën vendase.
Manaj shënoi golin e nderit në minutën e 73-të pas asistit të sulmuesit tjetër kosovar, Arbër Hoxha. Ky duel ishte i vlefshëm për javën e 31-të të kampionatit kroat.
Për sulmuesin 24-vjeçar është goli i parë në sezonin aktual me fanellën e Slaven Belupos. Ai ka luajtur në 17 ndeshje, por nuk kishte mundur të gjente rrugën e rrjetës.
Me këtë gol 24-vjeçari kërkon të rikthehet protagonist te skuadra e Slaven Belupos që renditet në vendin e katërt me 40 pikë në 31 ndeshje.
