Një shtetas shqiptar është arrestuar nga policia në Ankona të Italisë dhe akuzohet për trafik lëndësh narkotike.
Mediat italiane raportojnë se gjatë operacionit janë sekuestruar tre kilogramë kokainë, hashash dhe një pistoletë.
Shqiptari, identiteti i të cilit nuk bëhet i ditur, mendohet se ishte kreu i një rrjeti trafikantësh kokaine dhe hashashi, të vendosur në brendësi të provincës së Ankonës.
Karabinierët konstatuan se pistoleta shoqërohej me një karikator të mbushur me 14 fishekë, ndërsa droga u zbulua brenda fenerëve dhe nën baterinë e makinës.
Shqiptari i arrestuar shtirej si një tregtar makinash të përdorura, metodë kjo e përdorur si kamuflazh nga ana e tij për të kiryer aktivitetin e paligjshëm.
