Edhe pse ka vetëm pesë ditë që është operuar, kryeministri Edi Rama gjen fuqi për të dhuruar “shoë” në fushatën elektorale.
Takimi i sotëm i kryeministrit Edi Rama në Kamëz u shoqërua me këngë, përqafime dhe puthje. Në një moment ai mori nga turma një person, që sipas tij po bërtiste më shumë seç duhej. Më pas, po ky person merret nga kryeministri për të mbjellë pemë së bashku, e në fund merr edhe një puthje në ballë nga vetë Rama.
Duke mos e pritur, Rama u habit kur burri kthehet dhe e puth në faqe. Më pas, kreu i Qeverisë fshin fytyrën, veprim që tërhoqi jo pak vëmendje.
Ky takim në Kamëz vjen pas rikuperimit të tij pas operacionit për heqjen e apandesitit.
Më pas, Rama nis e kërcen me një të moshuar, duke bërë disa lëvizje të çuditshme me duar.
